Zilan Hemo

Min ji destê te
piyala hezkirinek qaçax wergirt
Siya min
Min di labîrenta awirên xwe de
hûnda ke

Bihêle ez tenê carekê bi dîtina te
xwe sed carî bikujim
Ez bûme wek perçemoka
aþiqî rojê bûye
Ber ve te ve difirim
Tu dereng mayî
Di devê deriyên kenên min de,
pîrhebokan konên xwe vedan
û jê koç kirin
vegere
min lêvên xwe li ser dêmên te
ji bîr kirin
min awirên xwe di çavên te de berdan
xwe jî di hezkirina te de derd da
vegere dixwazim porê te
dinav porê xwe de bihunim
vegere
li benda te
beybûn di destên min de çilmisîn
stêrkên ku ji ber
xweþik bûna çavên te diteyisîn
li peyî te yek bi yek
ji sînga asman weþiyan
Min di çavên xwe de kedî bike
Bi bijangên xwe min binixumîne
Bihêle di çavên te de razêm
Di xewnên xwe de jî
çavên te bibînim
Belkî bikaribim
ji dîtina wan têr bibim