 |
|
| |
 |
 |
 |
 |
|
Mizgîn HeskoDerya... Pir fereh Û berav... Ta bê dawî dirêj!
Kefeke guvaþtî Rûdêmên qeraxan Bi xirecireke sihirdar Dagîr dike...! Û xuþîniyeke keskîn Dilê latên lal Parçeyek sinfonî Dijenîn e...!
Kembereke berfîn î Bi sedef û mircanên razber Bejna deryayê Perwaz dike...! Û ev qeyika spî Bi liva xwe Di nav destên pêlan de Hîn jî... Ne zîz...!
Ey landika bayî Û di tenêtiya de Bi razên heyînê mijûl Û di bextê vê deryayê de Avjen:
Textên te ên kevizgirtî Hîn... Dîlên rêka xwe ne Gupgupa zemînê ye Û tu.... Bi lerizîna xwe Dest ji semayê bernade...?!
Wekî hespekî afsanewî Û di pêþbaziya kenaran de Baskên bejî Li dij xwesteka bahozan Diferidîne...! Û xewnên ferawan Li ba dike...!
Erê... Textên te Ên vê gavê û di bêdengiyê de Avjen... Dîlên rêka xwe ne Û tu... Dest ji kêferatê bernade...!
Tekez... Rewanê bi sewzên omîdê Xemilî Ji tavên tariyê re Serad e...?!
08.06.2024 Li beravên deryaya navîn .
|
|
|
 |
 |
 |
 |
|
Gotar Nerîne Xwediyê Xwene |
|
| |
|
|
|
|
