الإدارة الذاتية : لاه يا سويد مو أساس بيناتنا تفاهمات وتعاون وخبز ومصاري ! من أول جولة بعتينا ؟ .

السويد : يا خيو بصراحة أنتو جماعة للبيع والشراء ، أنتو هيك معرفين حالكم . 

الإدارة الذاتية : اي بس مو من أول كف ، نحنى بنقول تكتيك ومكتيك وهي شغلات ، بعدين كنتو تطولو الحكاية شوي حتى ندبر حالنا . 

السويد : ما ينخاف عليكم ، اي أنتو الحرباية تتعلم منكم كيف تغير لونها . اي عندكم قاموس من الأسماء وخزانات من الأعلام الملونة . 

الإدارة الذاتية : هلا كلو سهل ، بس قبل ما تسلمو حدى من جماعتنا لأردوغان خبرونا مشانن

نساويهم شهداء بطريقتنا أو نشوفلهم صرفة . وبالنسبة للمصاري ترى في ألف طريقة وطريقة لنوصلها لعندنا بتعرفو حجم علاقاتنا مع المافيا . 

السويد : يخرب بيتكن وبيت بيتكن ، أنتو شو من البشر ، نحنى نشتغل لصالح شعبنا وأنتو تشتغلو ضد جماعتكم  وتستغلوهم . 

الإدارة الذاتية : والله لو كان شعبكم متل جماعتنا ، لعملتو أبشع منا ، اي انتو لو نقصت الشوكلاتا في أسواقكم راح يشنقوكم على المزابل ، شوف نحنى حتى الحذاء جعلناه تاج فوق رؤسهم وهم راضيين ومبسوطين وفوقها كمان صاروا فلاسفة في تبرير اي ممارسة ضدهم من قبلنا . المهم هلا أنتو خرجتو من الباب في دعمنا ودخلتوا من الشباك !

السويد : كيف يعني ؟

الإدارة الذاتية : أنتو دخلتو الناتو (التحالف ) ونحن جنود في التحالف ضد الإرهاب يعني هيك هيك راح يصلنا الدعم بالمال والسلاح منكم ، كيفك فيا . 

يقال أن السويد غيرت أسمها للشريد .