Welatê me - Kurtetêbîniyek

Ehmedê Huseynî

Birêzan, berpirsên malpera welateme.net’ê.
Di 22 01 2014ê de, Bi sernavê (Rastiyek ji bo dîrokê. Li ser kongira H.R.K.R.D) nivîseke berbad di malpera we de hatiye weşandin.
Ji derveyî çewtiyên rêziman û rastnivîsînê; ji derveyî çewtiyên vekîtî û xalbendiyê, nivîs tijî derew û agahiyên çext û bêbingeh e.
Ji bo yî serrastkirina derewan û ji boyî em barê dîrokê girantir nekin, fermo li nivîsê vegerin û derewan bihejmêrin:

DEREW: 1. Kongireya 4ê ne ya H.R.K.R.D’e bû lê ya HRRK’e bû.

DEREW: 2. Piştî serîhildana 12ê avdarê, ne bi (3-4) mehan lê di 8-10.10.2004’ê de kongireya yekemîn hate lidarxistin yanî piştî serîhildanê bi (7) mehan.

DEREW: 3. Di Kongireyê de ne (50) kes lê 31 kes amade bûbûn.

DEREW: 4. Li Sandvikena Swêdê, di 23-25’ê nîsana 2004’ê de, 23ê rewşenbîr ji welatên europayê civiyan û (Insiyatîva 12ê Avdarê ya Rewşenbîrên Kurd-Sûrî) damezirandin. Heman kesan biryar dan ku kongireya yekemîn piştî şeş mehan li darbikeve, Kesê ku rastiya derewîn ji bo dîrokê dibêje jî wê çaxê ne amade bû û ne jî haya wî ji kar û barê Insiyatîvê hebû..

Ji kerema xwe re; ji boyî xatirê çavên reş ên dîrokê, hewl bidin van derewan serrast bikin.

Di gel rêz û silavan
Ehmedê Heuseynî