Ji bo birêvebirên kongirê nivîskaran
Dîrok: ÇáËáÇËÇÁ 01 ÃßÊæÈÑ 2013
Mijar: Nûçe



Qado şêrîn

Komek ji nivîskarên bê deng û bê helwest dê xwedî li nivîskaran derkevin û di bin durişma (nivîskar wijdanê gelan e) kongirekî li Qamişlo di 11/10/2013an de li dar bixin, bê ku zanibin û agahdar bin ku ewê bêtir nivîskaran ji hev dûr bixin û perçebûnê biçînin û bi çarenûsa nivîskaran bilîzin, wan têk bibin û bihetikînin.


Eger ne ji bo berjewendî, kîn û navdariya kesane be, divê qonaxa şikestî de wê çi sûd  ji kongir bê wergitin ji pêvî hetikandina nivîskaran. Ne kongir û ne jî biryarên kongir wê nikaribin xwedî li nivîskaran derkevin, û ne jî doza mafên wan bê kirin û ji kê.
Bi texmîna me, wê kongir bêtir nivîskaran perçewerçe bike, êdî bila xwediyên kongir agahdar bin ku ewê wek sûcdar bên binavkirin û di ber ne yekkirina nivîskaran di yek dezgehê de berpirsyar bin.
Em dibêjin, jixwe berê jî me gotiye: bila rêjîm birûxe û Qamişlo ji rêjîm û şebîheyan azad bibe, di dûv re kongiran li dar xin ta hûn karibin, çimkî hîna rêjîm li Qamişlo heye, peykerê diktatorê berê hîna jî di dilê Qamişlo de çikandî ye, muxaberatên wê yên rû veşartî azad in û çi bixwazin dikarin bikin, pêr Mişel Temo kuştinin, do jî Isa Hiso kuştin û nizanim wê sibe kê li Qamişlo bikujin, êdî çi kongirê li Qamişlo li dar bikeve rewatiyê ji rêjîma diktator û faşist digre, her wiha çi kongirê di bin sîwana rêjîmê de û ne dûrî peykerê diktatorê berê li dar bikeve ne rewa ye, belkî birêvebirên kongir rastexo yan jî xwarexo rewatiyê bidin rêjîmê!
Berê jî me nivîsandiye, ana jî dubare dikin, piştî rûxandina rêjîmê û azad kirina Qamişlo çi kongirê nivîskaran li dar bikeve, ji bo min rewa ye, nûnertiya min dike, û ku hat û du dezgehên nivîskaran li ser xakê man, ez ji hemû dezgehan vedikşim.
Pirsa sereke ev e: gelo wê kî li kongir amade bibe, gelo nivîskarên ku koçber bûne wê karibin amade bibin? Wê endamên kongir yek reng bin, û hêviya min ji wan ew e ku kînkişandin, tolhildan û têkbirina kesane nebin egera sazkirina kongiran.
Bi texmîna min divê qonaxa awarte û ne aram de ne durust e kongir li dar bikevin, gelo nivîskarên Koban, Efrîn û herêmên din wê karibin amade bibin. Eger nivîskarek li ser riya kongir hat kuştin(xwedê neke), gelo wê birêvebirên kongir karibin xwedî li xwîn û zarokên wî derkevin, yan wê rêjîm û şebîheyên wê û komên terorîst alîkar bin û wan biparêzin? Ji ber van sedeman bila ew 5-6 nivîskarên bê deng û bê helwest aqilmendane bin û baş di encaman de bifikirin û bi çarenûsa nivîskaran nelîzin, bila bêhna xwe fireh bikin, dawî li dunyê û jiyanê nehatiye. Bi texmîna min wê kongir bibe bela serê wan, û wê bêtir astengan deyne ser riya yekkirina nivîskaran.
Jimara nivîskarên ku wê li kongir amade bibin têra kongir nake. Li gor agahdariyên me birêvebirên kongir yekreng û serhişk in û ne wijdanê gel in wek ku dibêjin, eger wijdanê gel bana wê kongirê xwe li ber siya peykerê diktatorê berê li dar nexistina. Bila nav jî bibe Hevbenda nivîskarên bêdeng û yekreng.
Li dawî, pêşniyara me ew e ku navê xwe bikin Hevbenda nivîskarên bêdeng û kîna serhişkan.

01/10/2013
www.qadoserin.com

nivîsa me ya berê û girêdayî eynî mijarê:
 http://www.welateme.net/kurdi/modules.php?name=News&file=article&sid=3379#.Ukp6E5DCTDc







Cihê ev nûçe jê hatiye: Welatê me
http://www.welateme.net/kurdi

Ji bo vê nûçeyê navnîşan:
http://www.welateme.net/kurdi/modules.php?name=News&file=article&sid=3417