Qado Þêrîn
Gotina ku kes jê hez nake û naxwaze jêre bê gotina ‘’xayîn’’ e, ta bi xayîn û xwefiroþan jî naxwazin ew gotina gemarî ji wan re bê gotin. Di civaka me kurdan de û ji bo ew gotina gemarî ji wan re neyê gotin, gelek rewþenbîr û siyasetvanên me devê xwe girtine û pênûs þikandine, çimkî hin aliyên siyasî, bi taybetî yên þehîd dane, bi hesanî mirov dikin xayîn û xwefiroþ.
Partiya þehîdek, tenê þehîdek qaþo ji bo rêzgarkirina Kurdistanê dabe, wek ku ji mafê xwe dibîne xelkê bi hesanî bike xayîn û bêþeref, hin ji wan partî û aliyên siyasî Kurdistanê wek samanê xwe dibînin, û nabe ji wan pêve kesekî din li ser xaka wê bijî û xirecirê bike.
Gelek partiyên me kurdan þehîd ji bo rêzgarkirina Kurdistanê dane, lê hin ji wan bazirganiyê bi xwîna þehîdan dikin, hin ji wan mirovên kurd bi wê xwînê ditirsînin. Eger hat û kurdekî ew partî rexne kir, dibe xayîn û xwefiroþ, vekirî û eþkere jêre tê gotin: tu rêzê li xwîna þehîdan nagrî, divê zimanê te bê jêkirin. Ew partî her tiþtî, ta bi tiþtên kirêt jî ji mafê xwe dibînin, lê divê kesekî din devê xwe veneke û wan rexne neke. Bi gumana min pêþeroj ji wan partiyên ne demuqrat re tune, çilo pêþeroj ji diktatoran re tune.
Heçê ne bi me re li dijî meye, jixwe heçê li dijî me derkeve û rexneyan bike xayîn û xwefiroþ e. Di rojên dawî de ev nimûne li asmanê kurdayetiyê belav bû, dema hin rewþenbîr û siyasetvanan helwest û gotara xwe li dijî aliyekî siyasî bilind kirin, ji hêla wî aliyê siyasî ve bûn xayîn û xwefiroþ. Eger hat û ew aliyên siyasî bûn desthilatdar dê ji diktatoran diktatortir bin. Bi gumana min wê wextê emê xweziya xwe bi diktatoriya serdestan bînin.
Heçê ne bi me re li dijî meye. Sedî li sed li ser partiyên kurdên rojava pêktê. Heçê nizanibe bila bawer bike ku bîst û neh partî ji bo sê melyon kurd hene. Bi gumana min 29 partî ji bo sê melyonan gelek in. Li rojava wisa bûye, heçê ne bi me re bila veqete û biçe partiyek xwe çêke. Hevdû pejirandin tune.
Kongirê Hewlêrê yê revenda kurdên Rojava li derve pêþniyar kir ku Serokê herêma Kurdistanê Barzanî partiyên rojava bi yek e, yan jî wan di bin sîwanekê de bighîne ba hev. Bi rastî ew xwestek kenê mirov tîne, çimkî bavê wî nemir Mustefa Barzanî di sala 1970 de nikarîbû du partiyên kurdên rojava bi yek e, vêga ewê bikaribe bîst û neh partiyan ku hin caran mîna neyar û xayînan li hev dinêrin, bi yek e!!. Xweþ xeber e lê min ne bawer e.
Bi gumana min, kurd ji partiyên siyasî hatine serê bêvlê, êdî gelek ji wan bûne yên þopê, berjewendiyên serok û partayetî di ser ên milet û welat re digrin. Eger tu xeber û sixêfan bikî Kurdistanê dikenin, lê ku tu bêjî siya serokê we xware dikarin li pêþ zarokên te, te serjêkin.
Pirs, gelo çima du partiyên kurd li hev tune ne?, tenê berjewendiyên serok û partayetî wan digînin hev.
07/02/2012
