Kulîlkên Berxwedanê li Zîndana Edra Vedbin
Dîrok: ÇáËáÇËÇÁ 17 äæİãÈÑ 2009
Mijar: Nûçe



  Xebat Şakir

Îro sêsed çira li zindana Edra ji bo ronîkirina hêviyên Kurd pêdikevin
Sêsed gul dinav lepên hovan de li ber pozê berxwedanê vedibin
Sêsed stêr şevên welatê rojê dixemilînin
Sêsed derwêşên evîna Kurdistanê hespên berxwedanê dibezînin
Û sêsed tekoşerên azadiyê, bi canê xwe yê nazik şerê zilim û zorê dikin.


Rojavayê Kurdistanê îro di asta herî bilind a berxwedanê deye, vê berxwedanê ji  berxwedana bavê Cûdî (Ahmed Husyin) yê ku di 02.08 2004 an de li zindana Hesiçe piştî serhildana 12 ê avdarê ne bigelekî şehîd ket destpêkir. ev şehadet bû destpêka berxwedaneke hemdem li rojavayê Kurdistanê û di peyre ne bi gelekî şehadeta pênc endamê PYD ê Şîlan Kobanî, Fuad, Cemîl, Ciwan û Zekeriya di 29.11.2004 an de bi destên istxbarata surî li başûrê Kurdistanê hişt ku asoyên berxwedanê li ba gelê Kurd li rojavayê Kurdisanê hîn ferehtir bibin.
Girtina keça Kurd a qehreman Nazlî Keçel ku heya niha kes nizane saxe yan mirye.

Şehadeta mamoste Osman Silêman kevne parlementerê berê ku di encamên lêdana di zindanê lêhatî kirin piştî berdanê bi demeke kurt şehîd ket.

Welatparêzê Kurd Îsa Xelîlê mele Hesen yê ku dengê xwe li hember zilmê bilind kir bi destê rêcîma behsyan a diktator li Qamişlo şehîd ket û gelek girtin û buyerên din jî hene ku bi dehan gotar têra wan nakin.

Di dawiyê de zilim û zorî û bin pêkirina mafên herî rewa ji bo girtiyên siyasî  yên di zindanên Surî bi giştî û bi taybetî zindana Edra de dimînin giha asta herî bilind. Vê zilim û zorê berê girtiya da berxwedaneke ku herkes jêre rêzê bigre. wan girtiyên ku ji hemî mafên mirovayî pêparin dest bi berxwedaneke hemdemî a rojiya mirinê kirin. ew berxwedana ku reh û bingehên xwe ji rêberên tekoşîna gelê kurd Mezlûm Doxan, Kemal Pîr û Xeyrî Dormîşan digre destpêkir û berxwedana van qehremanan rêberên tekoşîna xwe dîtin û dibînin.

ji ber PYD ê xwediyê mîrasa van lehengaye û berdewamiya şopa wane.

Bi vê berxwedanê girtiyên Kurd ji rêcîma Behsyan re îsbat kir ku ne girtin û ne ti şêweyên din yên zilim û zorê nikare vîna wan ya berxwedanê û girêdana wan bi gelê Kurd re têk bi bebe.

Xwendevanên hêja

Ev asoyên hêviya li zindana Edra li benda piştgirya xwedî bextane, li benda piştgirya hemî partî, rêkxistin, sazî û dezgehên gelê Kurde.

Li benda piştgirya rewşenbîr û ronakbîrên gelê Kurde

Her kes dikare li gora xwe li van qehremana xwedî derkeve ji ber xwedî derketina li wan erkeke netewiye goraveke mirovaniye.

Eger her yek ji me li cihê ku lê dimîne rojekê bikeve girava birçîbûnê ez zanim ku rojek tenê di asta sembolîk de dimîne lê em ji bîrnekin ku wateya wê pire.

Di dawiyê de

Silaveke bi 18 gulên Erdwanî pêçayî ji şêrên Zindana Edra re
Silaveke bi hêviyên rojavayê Kurdistanê Pêçayî ji tekoşerên azadiyê re
Silevek ji vî dilê ku bi evîna we dijî ji we qehremanên gelê Kurd re
Silaveke bi hesreta welat pêçayî ji bo wan yên ku hêviya azadiyê xurt dikin.

Bijî berxwedana girtiyên Kurd li Zindana Edra

Bijî Kurd û Kurdistan

Berxwedan jiyane.


Xebat Şakir
17.11.2009 Oldenburg/ Almanya







Cihê ev nûçe jê hatiye: Welatê me
http://www.welateme.net/kurdi

Ji bo vê nûçeyê navnîşan:
http://www.welateme.net/kurdi/modules.php?name=News&file=article&sid=1899