li destpêkê bi xêr hatin ji bal rêveberiya koçikê ji mihvanan re hate kirin û pîroz bahiyên cejna jinê li wan kirin û danasîn bi nivîskara simînar bêj dr. Mîdiya mehmûd hate dan, ya ko roleke wê ye berçav di vê derbarê de heye û gelek gotarên wê di malperên internêtê de belav bûne, ya xwedana lêkolîneke ber fereh li ser jîn û dîrok û pêmayên jina kurd ,û rola wê ya girink di jiyana kurdewariyê de û xebata kurdayetiyê de di hemî rewşên jiyanê de (civakî , aborî , netewî).

    di simînarê de mamosta mîdya bal kişand li ser karîna pîreka kurd bi çespandina jinîtîyê di jiyan û dîrokê de ko mil bi mil bi mêr re di hemî qonaxê jiyanê de hevbeşbû, û hevala wî ya bê dilman û bê westan bû, ta di hinek bûyeran de şûna mêr girtiye bi serkêşîya hozê û rêveberiya cengê jî, û bi nimûneyan tekes kir û nexasme ji gotinên mîjûristên cîhanî mîna Acata krîstî û basîlî niktin û ….
   û di têbûrînekê de li ser rewşa jinê ko îro di hinek astengiyan re di bihûrê ji sedemên cûrecûr (dest helat , sitemkarî,…) ko dihêlin barê jinê giran tir bi bê, di gel vê yekê jî hêjî jina kurd di mala xwe de û di dar û dezgihên jiyana xwe de xwedan kêmtirîn nakokîye li gorî miletên pêre hevbeş.
    li dawîyê û di şirovekirina  tewereke vekirî de di navbera mamoste mîdya û amadeyan de ya ko wê dûpat kir têrkirin û zengîn kirin ji lêkolîna wê re, û li paşê sipasîya xwe arasteyî amadeyan bi tevahî û koçika qamişlo bi taybetî kir li ser çalakî û derfetên ko têde hatin dan da ko kêşeya jina kurd têre hate ber fenereke maf û rêzgirtinê.

koçika qamişlo ya çandeyî
25-2-2008