Helbest: Mihemed Maxût (Muhammad Al-Maghut)
Werger ji erebî: Arþevê Oskan
Piþtî xapandina demê û hevalên temen
Û daneþîna bi salan li mala min î biçûk
Ber bi tûtin, vexwarin, xwarin û sixêfan
Û kîna her tiþtên ku bi netewê ve girêdayî
Mîna kîna Hitler ji Cihûyan.
Min evîna kesayetî û nijadê da ber topan
Û min soza avakirina kûrtirîn gor
Zindan û qamçiyên herî bi jan da
Sûxtekariya xwarin, vexwarin û dermanan
Hetanî ji bo zarok û seqetan jî.
Min pirtûk û pirtûkxane þewitandin
Wekî Nîronê Romayê
Min bazirganiya jahrên kîmawî
Û parastina diz û keleþan kir
Hemû derî li ber min vebûn
Êdî razan hetanî bi berbangê
Kole ji parastina min re peyda bûn
Serþoka min amade dikin
Organên laþê min zuha dikin
Taþtiya min çêdikin û nenûkên min dibirin
Cilûbergên min li hev tînin.
Kumê min ji rengê baranê
Çakêtê min ji rengê ezman
Çenteyê min ji rengê buharê
Tizbiya min ji rengê payîzê
Berçavka min ji rengê asoyê
Pêlava min ji rengê helbestvan, xwendevan û rexnevanan.
Ligel ku … strana Feyrûz
Sirûda Mahmûd Xelîl Alhesrî
Dehê ku rîha min bilerizîne
Û hêsir rûyê min dinixumîne
Û ez li pênûs û kaxezekê digerim
Mîna pêdiviya dûmankêþekî.
23.05.12
