Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Helbest u pexþan: Çend helbestên evînî ji roja evîndaran re

 



Husên M. Hebeþ

10 roj û metelek din

Xweda erd û ezman
Di 7 rojan de avakir.
Di kenê te de 10 rojan ma!
Lê dema xwestibû 
Rokê di sînga ezmên de bi cih bike
Metel mabû ko ê çewa
Dest pê bike
Lê gava çav li navika te ket
Metelmayîna xwe deyna aliyekî
Û rok mîna navika te
Gilover û xweþik çêkir.


Kîyê ji bilî te?

Tu ken î
Kîyê te birevîne ji bilî min?
Tu bejn î
Kîyê te himbêz bike ji bilî min?
Tu dilbijîn î
Kîyê kela te vimirîne ji bilî min?
Tu pizot î
Kîyê wêribe nêzîkî alava te bibe ji bilî min?
Tu buhar î
Kîyê kulîlkan ji te bidize ji bilî min?
Tu kaniyî
Kîyê ava te vexwê ji bilî min?
Tu evîn î
Kîyê bi te birame ji bilî min?
Tu kujar î
Kîyê min bikuje ji bilî te?

Sûda evînê

Tev dizanin
Ko dêmê erdê gilover e
Û bê gûman jî
Digere.

Lê a ko pê nizanin
Ev e:
Dilên evîndaran
Wê gilover dike
Û bi hêza evîna wan jî
Ew digere.

Axaftin…

Gava Xweda xwestibû
Bi nazikî, bi delalî, bi aramî,
Bi evînî, bi tenikî,
Bi keskayî, bi hêdî, bi nermî,
Bi kurtepistî, bi hûrikî…
Bi erdê re biaxife
JIN çêkirin.

Fermooo…

Dilê min bê kilîte,
Bê deriye,
Bê pencereye...
Û li ser 4 aliyên evînê vekiriye
Fermo
Hemû
Jinên
Cîhanê
F
E
R
M
O
O
O...

Ji bo te 3ê reng

Ez ê ji bo te
3ê helbestan binivisînim
Yeke spî
Yeke sor
Yeke hiþîn.
Ya spî:
Dako tu ji xwe re bikî nivîn
Ya sor:
Dako gurzek gul diyarî te bike
Ya hiþîn:
Dako tu têde melevaniyê bikî.

Tîbûn

Ji kaniyê
Têr av vexwar.
Û li benda hatina te
Ji tîbûna re
Mir!

Tu û Çem

Gava tu seyrana xwe
Di ber çem re dikî
Av zelaltir dibe
Û bi evînî diherike.
Gava tu avê jê vedixwî
Dilê çem sivik dibe
Û ber bi evîndaran ve diçe.
Gava tu têde
Melevaniyê dikî
Ji þahiyan re rêça xwe
Þaþ dike
Û xwe di dilê te
Wer dike.

Rojbûna te

Li
Rojbûna te
Ez ê gurzek Gulên êþê
Diyarî te bikim
Dako tu bizanibî
Birîn,birîn e
Û ez ji bo evîna te
Hemdem birîndar im.

Bizanibe ez mirim

Eger rojekê tu hatî û ez nedîtim
Bizanibe ko ez li wirim.
Eger tu hatî wir jî û dîsa ez nedîtim
Bizanibe ko ez li cihekî dûrtirim.
Eger tu hatî wî cihê dûrtir jî
Û dîsa ez nedîtim
Xemgîn nebe,
Kulîlkek sor di dilê axê de biçîne
Û bizanibe ko ez mirim.

Husên M. Hebeþ

 
Gotar Nerîne Xwediyê Xwene
 

Puanên Nûçeyê

Asta Dengan: 5
Bi Tevahî Deng: 1


Ji kerema xwe re kurtedemeke xwe bide vê dengdanê:

Herî baþ
Pir baþ
Baþ
Ne xirab
Xirab

Vebijark