Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Gotar: pêşbirka yariyên zivistanê

 


Melevan Resûl

Ji dirofê sala nû xuyane ku wê zivistana me bi ewr û baran be , eva cihê dilxweşiya hemû beşen civakê ye , nemaze ew mirovên ku debora jiyana xwe bi berhemên çandinî û çêrandina pezî diqedînin , û ji hemûya pêtir dilê mirovên kurd bi barîna baranê geş dibe .
Çînên civakê yên corbecor jî tevlî wê şahiyê dibin , nemaze ew kesên xwedan butçe û mehane ji dewletê werdigrin , lê gelo hûn dizanin rengên amadekarî yên şahiya pêşwaziya werzê buharê bi çi awahî tê kirin ?


Ji ber ku zivistan jiyana mirovan ditevizîne û karûbarê ji derveyî malê teng dike ,  park û meydanên li darxistina van ahingên cemawerî di herêmên kurdan de peyde nabin , dewletê ji wan re avanekirine , lewra mirov her demî ji encama pêdawistiya kar , ji xwere cîgiran di afirîne , cihê afrandinê bi tenê ode û malin , ew dibin sehneyên pêşbirk û levbaziyan , ew mal ji bilî çar , pênc kesî naragirin , lewra kesên yarîvan xwe li tîp û beşan belavkirine , her tîpek ji çînekî û her çîn di asatekî de ye .
Belê xwendevanên hêja , îro tîpên pêşbirkê li herema Dêrika Hemko xwe helbijartine û yariyên xwe destnîşan dane , ji niha ve xwe amade dikin , heme ax sibat derbas bibe wê pêşbirk li darkevin û serencam werin xuyakirin .
Lê heta niha we ji min nepirsîye ma ew tîpên çine û yariyên çine ?! .
HÛN ALÎGIRÊ KÎJAN YARÎVANANIN
Bila birayê xwendevan ezê wan bi we bidim nasîn ,bawerdikm heger ez navan diyar bikim , wê her heremek di welatê mede tîpên xwe eşkera bikin , lê ez bi hêvî me encam ne wek ya sala par ziwa û şêmitandî were , mixabin di sala bihorî de tîpa cotkaran zora tîpa maldaran bir û pareyên tonê firotî nedan ji lewra berê xwe dan Şamê û di hêlînê kevokan de lîsk vedan û ji birçîna hêkê duzerik kirin.
Endezyaran zora tîpa bijîşkan bir lewra endezyaran yasaya 49 destek kirin û xaniyên bijîşkan li ser navê wan tapo nekirin.
Tîpa rewşenbîran zora tîpa karmendan bir , lewra xwe kirin nivişt û di qoziyên winda de veşartî man .  di dawî de hemû li bin guhê hev ketin û dijminahiya wan heta roja îro dikşîne , hûn zanin ji ber çi ?
Di hilperka dawîn de , di êvara serê salê de kaxeta AS xwe dibin Cokir de veşartibû û miqerisî wan hat , çokên wan qerimîn û devê wan ziwabû , sermaya li dora sopa vemirtî ji giraniya buhayê Dîzilê pênexistibûn , vêca ji xwere mere bi ser û guhê hev ketibûn , heta niha jî birînên wan bi destê (xêrxwazan )têne dermankirin , lê dermanê li birînan hatî werkirin ji demê bikaranîna xwe bururtîbû , li şûna birîn saxbibin , mixabin ew axivîn û hilgirtin , sêvsot û agirok li çenê nexweşan derbûn ,  pêtivîbû ew berê xwe bidin jinek ku bi pismamê xwere cotbûyî bibînin , lê sed heyf û mixabin ew jinik di welatê mede hatine pişaftin , dotmam û pismamên bi hevre soz dayîn , yan di binê zindanan dene û yan li bilindê çiyane , vêca îsal ka wê kîjan yarî di qeremaçan de bi serkeve û heger birîndar ketin ma wê kî birînê yarîvanên me bi derman ke ?.
  

 
Gotar Nerîne Xwediyê Xwene
 

Puanên Nûçeyê

Asta Dengan: 0
Bi Tevahî Deng: 0

Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark