Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Berhemên Nû: Pîrozbahî ji narîn Omer re

 


Piştî demekî dirêj ji kar û xebatê di warê nivîsandinê de Nivîskar u helbestvana me ya hêja ( Narîn Omer) du Pertûkên xwe weşandin yek bi zimanê kurdî bi navê (perîxana min) yek bi zimanê erebî bi navê (hinga bê dengî can dikişîne)u di van herdê berheman de
Narîn omer xwe di de naskirin wek helbestvanek jîr u zîrek Ji ber ko helbestên wê çîrok jiyana wê bi hemî rengê xwe Yê cor bi cor didê xuyakirin çê ji aliyê evînî ve bê an ji aliyê Cinavî u miovanetî bê an ji aliyê giyanî u netewî ve be u Narîn Omer tê ji me re xuyakirin jinek jêhatî u evîndarek Dilpak u hevjînek dilsoz u dayîkek dilovan u dil mezin.


Tişta gelekî baş di berhemên wêde ku wê helbestên xwe Yê kurdî bi awayek kilasîkî u pêlewaz weşandine u li ser Ritmekî sazî xweş u nazik.
Ji dil u can em pîrozbahiya mamosta Narîn Omer dikin Em serkeftinê herdem jê re dixwazin.
Li dawî emê helbestên wê diyarî hewe bikin Em bi hêvî ne ku ew bi dilê hewe bin:

            Himbêza pira Bafid
 
  Di himbêza pira Bafid
      Te çû xwenek belek dan î
 
Li Seqlanê* te kon raxist
             Veda dîlan bi Botan î
 
Hemî peyvên zelal û geş
                Li dora wan te alan î
Keçên dilsoz,ciwanên pak
           Bihîstin wan civîn dan î
 
Memo ritma dilî saz kir
           Siyamendo bilûrvan î
Xecê dîlan gelek xweş kir
            Dema Zîn şal di bir banî    
      
Cizîri Arifê sazbend
           Hesen Zîrek bi Soranî
Kewîz Axa lehengê can
           Bi dengê naz xêlo* anî
 
Hunermend Meryema xanim
               Erê Eyşê tu sazvan î
Hemî Bircên Pirê* deng dan
               Belê Decla tu hozan î
Dixwazin em siwarbin’blez
            Liser pêlên melevan î
Bero êvar de’m ser noq bûn
             Me dî rojê di loran î
Dema xatra ye wey hawar
        Me rastîya xwe nû zanî
Mixabin xewnekî roj bû
       Şevê sîhka xwe ser danî
Erê dîsa’msupasdarin
          Ji van xewnên bi şadman î.
  
  *- Seqlanê: çemê seqlanê di Indîwerê de ye.
  *- Xêlo: Sitrana Xêlo.
    *-Bircên Pira Bafid.
     

 
         Meqamim ez                                     
 
           Bilûrvan im xweş civan im
                                 Newa ľser ritma şivan im
           Dilê gîtara şevan im            
                                Sirûda lêv û devan im  
                                                    
                             
               Ez im awaza newaza
                                   Di afrînim perde saza
                Xwedî deng im zîz û aza
                                   Ez im tîrim ez kevan im                                            
 
  
 
                 Zimanek rast û resen têm
                                        Kevin yan nûjen beden têm
                  Meqamim ez şîn û ken têm
                                           Li damaran her civan im
 
                                    
                    Ji jînê helbest dihat im
                                            Huner hîn bingeh helat im
                     Bizava hestan tebat im
                                              Li min negrin vaye vanim
 
                                      
                     Hunermend im bange bend im
                                                 Revîn êş im jane berd im
                      B’evîna dilsoz re merd im
                                                   Tebata roj û şevan im.
     
 
                      Malzaroka buhiştî      
                          Zayîngeha pakrewanî
                                               Dergûş u dergeh zimanî
                          Zîndan u dadgeh vedanî                       
                                                Malbat u bingeh deranî
                                                
                            Dêrik çi xemla bi rengî
                                                Havîn u payîz de şengî
                            Alafekî renge rengî
                                                Hingiv u şîrav giyanî
                            Tor û huner name ya dil
                                                 Bafid* kila çav dike kil
                             Xeyda* dirazîne reş kul
                                                  Qub* û Berabeyte* xanî
                             Xweş tê bi min zengilê aş
                                                     Kaniya jinabû li bin kaş
                             Wêran kirin tev çemên baş
                                                     Ka kaniya eskera nî*
                              Va Dêrşewî* aş li hev da
                                                        Xan Nadirê* Buxçe avda
                              Tûyên Melê*  lêv bi lev da
                                                         Hacî’mhemed* tişk deranî
                              Meşka dewê Koçera nî
                                                        Xweşya mehîrê xuya nî
                               Kanî Reşada dila nî
                                                      Ew tûzika taze kanî
                                Nanê Tenorê ne sarî
                                                       Sîrik bi jajî re barî
                                Goştê qelî zare zarî
                                                         Dest û devan tam dizanî
                               Cejna mezin têre herdem
                                                          Meş’el di bî roni ya dem
                               Zarok vexwin meste zemzem*
                                                           Da fir bidin êşên canî
                                 Dêra Betol* xweş mebestî
                                                             Qehfên piçûk hê şikestî
                                 Fala dilan min di xwestî
                                                            Ka bêje mandam çewanî?!
                                           
                                 *-Bafid:pira Bafid,nêzîkî Indîwerê ye.              
   Kaniyek li Indîwerê ye.             *- Xeyda:
  *-Qub:quba Elî yê şêr,nêzîkî gundê Tildarê ye 
  *-Beraeyt:Gundek yê Fileha ye,dêra wan têde ye. 
  *- Mihemedê dêrşewî xwediyê aş.      
  *-Nadirê:jinek xediya buxçekî bû bi nvê wê di hat naskirin.       
  *- Melê: Mela Mihemedê Hemdiya Melayê Dêrikê bû.
  *- Hacî Mihemed:bavê Hadî xwediyê Tişkê (Hêlanokê).  
  *- Zemzem:ava Zemzem.                                
  *-Betol: navek ji nav٬n Miryema diya nebî Îsa ye Dêra kevin bi navê wê hati ye
 
 
                                                 Xalxalokê
                  Xalxalokê şirînê
                              Reng sorê deq şevînê
                     
                   Dosta Dildar û Dilber
                                 Berdevka rast evînê
 
                 Ritma saza şivanî
                                    Hozanvana d’civînê
                 Bergotnên* rast tu danî
                                      Ser maseya nevînê
                  Kerwan dûr çû ne dûr çû
                                         Ka nîşanên revînê
                  Tilyên hestand’hejînê
                                        Ser perda rû de tînê
               Birh û mijgûl dirazin
                                        Fala çavan dixwînê
              
                Xalxaloka gelanî
                                         Gund û bajar dibînê
                  Bextê manda tu bêjî
                
                                          Çawa dîrok dijînê
                   Çîrokek dil Feratî
                                          Cîhana rastî d’çînê.
       
                  *-Bergotin Tekhhunat(Bi erebî).
 
         
  Înan*
             Bi înanî me hev nas kir
                            Kelem pirbûn Me derbas kir
              Sedembara Evîn saz kir
                               Dibêjî min gunehbarî?!       
                 
              Ne pirbêjî fena* cara
                               Dinalînî wekî jara
              Dibakî min bi sed zara
                              Te baxêvim bi çend zarî?!
               Kenê şêrîn ji bîr kir tew
                               Şevên şadî hemî çû xew
                Xwe digrînî dikî tew tew
                              Xwedî zar im tu şaşyarî!!
                 Kesan tînî bibin dadgar
                              Hezar sûnda didî her car
                Mixabin wek berê  dijwar
                               Li sûndê nabe guhdarî
               Serê min wax te bê hiş kir
                                Dilê dengbêj te çû reş kir
               Nesîbê pir çi zû beş kir
                                Digazînî Xiniz* yarî?!
               Nema ez şa dibim dîsa
                                Eger Mada te ya pîsa
               Tu car nabim Nebî îsa
                                Bi xaçê nabme dadyarî.
 *- Înan: Îman
 *- Fena: weke
  *Xiniz:Xayîn
                            xewneroj
                   Rojekî di sibhê de
                              Ez tenê  çûm bi rê de
                   Canika Kulîlk têde
                              Şerbikek Milê wêde
                  Şande min Silav jê re
                               Pirsekî giring pê re  
                 Heyv li jore yaľjêre
                               Yan ketiye d’vê Rê de
 
                  Gotinek tenê gote
                                 Şaneşîn xwe kir cote
                   Lez bi bez re ajote
                                Ta giheşte d’Malê de
                  Nave roje tav germ e
                                Hatina me pir şerm e
                   Hizrekî dida ber me
                                Xweneroje em têde
                Na ne Xweneya roje
                               Wek Buhuşte lê Doje
                Awira xwe kir tûje
                               Şermezar e ew têde
               Vaye çax li êvare
                                Lê dikir mi guhdare
               Da bi bîne çav yare
                               Lêdida dilî zêde
 
               Canikê Silav baş e
                                  Ev Serî te kir Aşe
                 Şêweya te pir şaşe
                                  Ma çi tişt dikî Sûde
               Gote Lawikê Zane
                                 Vîn bi pêt û lerza ne
               Heste vîn ne erzane
                                  Kefte lefte bêrêde
               Cane şêre Dilyar e
                                 Merde û helez zare
               Yê divim bi bî Yare
                               Xweş Evîn di xwenê de.
               Tilyên hevrîşim
                     Gava j‎ xwe radibim ez
                                    Rengê te yê pak dibîn im

                     Lêvên te keyfê dibarin
                                     Tîpên vejînê diçîn im
 
                    Dengê te yê nerm û sazjîn
                                    Ritma dilî jê di xwîn im
                    Tilyên te hevrîşm e dayê
                                  Ser dêmenê can de tîn im
                   Çavên xwe digrim de raz im
                                   Rayên mejî dadgerîn im
                    Yadê buhuşta te yan ez
                                   Xwenek buhuştî dibînim
                     Wenda me tarî perês im
                                    Yan ez Emîrê Zemîn im
                     Çaxê li pêlan dişopim
                                    Peyvên te her ez dixwîn im
                    Çîrok û bîrok li balin
                                     Dîsa bi lez vedgerîn im
                    Dîdargeha şîreta yî
                                    Lewra xwe zîrek dibîn im
                     Hestê te Ronî firoşî
                                       Konê reşîyê d’birîn im
                      Mesta berê sing vexwar im
                                        Şadî me ez xemrevîn im
                       Ta ez bi serbest binoş im
                                        Saza Zimana b’firîn im
                        Dîya minî xweş mirov im
                                         Navê te ez pê dimîn im.

 

 
Gotar Nerîne Xwediyê Xwene
 

Puanên Nûçeyê

Asta Dengan: 5
Bi Tevahî Deng: 1


Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark