Destpêkê de diyar kir ku paşdedayîna vê festîvalê ji ber hin bûyerên siyasî bû ku yek ji van sedeman jî êrişa Dewleta Tirk ya li ser Başûrê Kurdistanê bû.
Festîvala Cegerxwîn, di roja 10/02/2008 an de saet 09:30 an de wê li Paytextê Herêma Kurdistanê, li Hewlêr, li Hola Pêşewa ya Wezareta Wezareta Rewşenbîrî li darkeve. Her wiha rêvebera vê festîvalê diyar kir ku wê ev festîval di bin çavdêriya Serokê Encûmanê Wezîran Birêz Nêçîrvan Berzanî de bê vekirin û ji aliyê Wezareta Rewşenbîre ve bê birêvebirin.
Di derbarê vê festîvalê de beramber birsekê ku hate kirin; ‘Yadwerî û wefadariya ji bo renc û xebata wî ya di ber Ziman û helbesta kurdî de’ de tê li darxistin. 
Festîvala Yadîweriya Seyda Cegerxwîn wê 3 rojan berdewam bike û ji her çar parçên Kurdistanê, gelek kesên navdar ji profesor, nivîskar, lêkolîner û rewşenbîr, ji Kurdên kafkasya û Ewrûpa gelek kes hatine vexwendin, ji malbata Seydayê Cegerxwîn û gelek partî û rêxistinên siyasî jî wê gelek kes beşdarî vê festîvalê bibin.
Di çarçoveya vê festîvalê de wê pêşengeheke fotoxrafî û ligel gelek alavên wî yên yatbet, destnivîs û hwd..ji beşdarvanên festîvalê re bên raxistin û filmek dokûmantarî ku li ser jiyana wî hatiye kişandin wê di kotaya festîvalê de bê nîşandan. Herwiha Wezareta Rewşenbîrî bijarteyek ji deh dîwanên wî çapkirine wê ligel pirtûkên wî yên ku Weşanxaneya Avestayê hatine çapkirine bên belavkirin.
Xatûn Sîlva Cegerxwîn, di dawiya axaftina xwe de mixabiniya xwe anî ziman ku di nav bernameya vê festîvalê de amadekariyek wan hebû ku peykerê Cegerxwîn li Parkek mezin bihata danîn bes hê peyker hê nehatiye temamkirin. Û herwiha gazind kirin ku; gelek hunermendên navdarên Kurd, wekî; Şivan Perwer, Ciwan Haco û Gulistan Perwer... ku bi gelek helbestên wî navûbangiya wan bilind bibû, vexwendine festîvalê bes mixabin yek ji wan beşdar nabe her yek ji wan ji ber sedemên cihêreng lêborîna xwe xwestine ku nikarin beşdariyê li vê festîlavê bikin.