Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Gotar: Gotina malbata şehîd Behzad Zuhrap di rêwrismê xaksipartina wî de

 


  Amadebûyên hêja..
Xûşik û birayên Qedirbuha..
Bi navê malbata şehîd, bi navê hevalên Malbata şehîdî, Ciwantirîn Sipasî bo Cenabên we.. bo beşdariya we. ..bo xwepêşandana we..bo zehmetiya we kêşayî…ya ku xwesteka me û we bi hev re diyar kirina rêzgirtin  û Qedrê buha yê Şehîdî di hest û ramanên me de.


Amadeyên hêja…
Şehîd Behzad..dibinemaleka kurdperwer.. Cotkar.. di sala 1972 ê jidayîkbûye. Di Himbêza bavekî pêgîrî kêşa xwe, her di ciwaniya xwe de, di dema gurbûn û serkeftinên şoreşa Êlûnê bi serokatiya Barzaniyê Nemir yê ku di her parçekî kurdistanê de çeperek wî hebû. herweha çalakiyek wî wek serkirdekî pêşmerge hebû. di sala 1925 ê, di serhildana Şêx Seîdê Pîran de beşdar bû.. di komara Mehabadê bi Pêşewatiya Qazî Mehemd de serkirdebû. lewra jî Şoreşa Êlûnê di dilê her kurdekî de banga kurdayetiyê bû, di hatdan ..zengilê kurdayetiyê bû hat hejan, di din sîbera wê rêbazê de cihê xwe di nêv rêzên Partiya Demoqrata Kurd li Sûriyê (Alpartî)de dît .xebatek bi dilsozî berdewamkir, yek ji omîdên wî bû zarokên wî kurdperwer û xwendabin ..di nêv rêzên kurdayetiyê de xwedî cih û xwedî navbin.
Hêjayan….
Şehêd Behzad bi wî hestê berz firşik bibû, di wê himbêza kurdperwer de mezin bibû.. ji wê rêbaza pîroz perwer de bibû.. wekî Qutabîk di zankoyê de kolîja Endezyariyê cihê xwe di nêv rêzên (p.p.k) de dîtibû ..di çiya, şikeft û deviyên Bakurê kurdistanê, Qada têkoşeriya xwe weku pêşmergeyekî dilsoz di rêzên pêşî de hilbijart bû, di qûnaxa /11/salan de, bi qehremanî berevanî di ber kêşa rewaya gelê xwe de dikir,  ta ku bi mêrxasî jiyana xwe qurbanî ta ku miletê wî jî bigihe  jiyanek wekhevî, dadwerî û Azad mîna miletên dorbedor yên hevsoz û hevpeyman …bi rêzên karwanê şehêdên kurd yên kevnar, mezin û xweragir xwe gihand .
Xûşik û birayên Qedirbuha …
ev ne yekimîn care dagîrkerên kurdan weha tawanên kirêt û bizdonek bikartînin. di derheqê miletê me de, di kelha Demdemê de Ava vexwarina me jeherdan..di Geliyê Zêlan de jehra toz û bodra dijî me bikaranîn.. di Helebça, Xormal û Eenfalan de li ser çengê Balefiran siyanîd û xerdel li me werkirin, Îro jî  jehrê  têxin di nêv xwarina me de. lê bila baş zanibin ev kiriyar û karên kirêt nîşana qelsiya wane, diyarkirina ser şoriya wane …destnîşankirina rojên nêzîk yên têkçûna wane ,dîsa bila bizanin…bi bihîzin, em bi jehra wan na qelin, em bi kuştinê qirnabin, vîna miletê kurd bi hêz û çeleng, bi awayê ku pîlanên wan dagîrkeran, birçîbûn, derbederî, nezanî û komkujî li ser milê çiyayê kurdistanê, hevjînên rojên giran bin ax kirine, perdên rojên taristan çivandine û paş xwe ve hiştine.. bi wî awayî, bi wê mêrxasiyê wê dara azadiya xwe ya ku bi xwîna şehîdên mîna hêja Behzad hatî avdan bilind û berz dê bi bînê.
-Em şagirtên Mîrê mamosta û zanyarên kurda mîr Bedirxanin
-Em mirîdên şêxê şehîda Ubêdella Nehrîne
-Em niştîmaniyên şehîdê pêşewa Qazî Mihemedin
-Em pêşmergên şehîdê serwer Barzaniyê Nemirin
-Em birayê şehîdê serkirde Mezlom Doganin
-Em hevalên şehêdê Newrozê Silêman Mihemed Emîn Adê ne
Hêjayan.. baştrîn diyarî, berztirîn rêz û rawaz bo şehîdan , yekdengî û yekdestiya me ye .. yekîtiya me ye, her bijî şehîd… bijî yekîtî… her bijin. 

 
Gotar Nerîne Xwediyê Xwene
 

Puanên Nûçeyê

Asta Dengan: 0
Bi Tevahî Deng: 0

Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark