Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Gotar: Dive Kurd Sûdeyê ji sala 2013an Bigirin

 


Mihemed Ebdê

Tê zanîn her sal hemî netew panorama xwe divegerênin û şanaziyê bi pêşvaçûnên xwe dikin wek ku em li ser ekranên TV-ên wan dibînin ,lê em wek netewa kurd dibêjin mala Xwedê ava ku sala 2013an bi dawî hat ji ber ku salek bê wate derbasbû sebaretî gelê kurd li Rojavayê kurdistan ê ji hemî  şêweyan ve dema ku em li panorama xwe  vegerin  û temaşebikin û binerxînin ,  çi ji layên siyasî , abûrî ,ewlekarî  , civakî û ta têkiliyên nav dewletî yek ji van xalan tine bûn,


 ji ber ku sala 2013an kurd destek li pêş û destek li paş  derbasî  sala 2014an bûn bê piroje û bê hêvî, Nemaze piştî civînin herdû encûmenên kurdî ENKSê û EGRKê ku li Hewlêrê hatin li darxistin û tenê encamên wan civatan kongirekî capemeniyê hat ragihandin, ew kongirê ku bû sedema  bê hêvîbûn û dilsariyê ji rêxistinin siyasî li ba gelê kurd ne tenê li Rojava lê belê seranserî  Kurdistan ê bi giştî, û diyarbû asta dilêşiya wan,  li ser gelê kurd , û mana pirsgirêkin giring  û sereke bê  çareserkirin û man li pişt guhan û berê xwe dan malên xwe……! Tenê pirsgirêkên ku divabû neyên gengeşekirin û axavtin bûn xalên li hevhatinê û sereke û pê pesnên xwe dan.
Sala 2013an hemî  netew dikarin şanaziyê pê bikin û di dîrokên xwe de yên serkeftî de tomarbikin, ji ber ku piroje û berjewendiyên xwe yên kesatî û netewî û desthilatdarî…..  Pêk anîn , lê mixabin rêxistinên kurdî dikarîbûn xizmeta berjewendiyên netew û dewletan bikin bi nakokiyên di navbera xwe de,  ji bilî ku nikarîbûnti qizinca ji kêşeya gelê kurd re bi destbixin , û netewên dî sûd ji nakokiyên wan baş bigirin û sala 2013an salek mîna salên nexweş ku bi ser gelê kurd de hatin bê ku em ti xweşiyê  di wan salan de bibîn û gihaye ku gelê kurd bêje ( her sal xwezî bi par) .

Û di heman dem ê de dema ku em werin li ser têkilî û pêwendiyên rêxistinên siyasî yên kurdan rawestin û biramin em ê wisa binerxînin :
1-Piraniya çivînên encûmenên kurî bi hev re hatin li darxistin ji bo çareseriya pirsgirêk û nakokiyan  di navbera xwe de çare serbikin lê encamên wan bê sûd bûn , û mixabin nakokî dijwartir daketin holê . di virde ez karim bêjim ku partiyên me yên kurdî bûne mîna (Tîma Hemzo tîma aşîtiyan, dema ku bi gokê bi tîma Berazîl re dilîstin û Hemzo gol li ser golê xwe hema tanîn  ……… )  

2- Çend civînên rêxistinên siyasî yên kurdan bi netewên xwedan hêz û di cihê biryarê de hatin li darxistin û pêwendiyên wan gihane çi qonaxê û encamên wan çibûn ?
3- Bi çi helwestî wê kurd pirsgirêkin xwe deynin li ser masa dewletan û kongirê Cinêv2 ji ber ku ta roja îro ne diyar e ku pirsgirêka gelê kurd were gengeşekirin  û ji bilî kongir çi hewildan hatine kirin , ji bilî karên hin partiyan yê tekane .
4-  Çi  Piroje û pilanên kar yên partiyan di paşerojê de hene ?
Ev çend xal nimûne bûn ku ti berhemên ber çav tine bûn di sala 2013an de , û em ê baş zanibin ku qenciya sala 2013 an bi kurdan kir ku sal bi dawî bû ji ber ku ti pêşveçûn li ser asta kêşeya gelê kur pêş ve ne çûn ji bo vê yekê em dikarin sala 2013an salek bê sûde û wate binav bikin.
Dive ku em baş sûdeyê ji sala 2013an bigirin ji bo şaşî û nakokî dubare nebin û pirsgirêkin gelê kurd têk neçin , û sala 2014an bibe sala çareseriya kêşeya gelê kurd û  gelê kurd bigihin armancên xwe .     
 Qamişlo 5-1-2014

 
Gotar Nerîne Xwediyê Xwene
 

Puanên Nûçeyê

Asta Dengan: 2.6
Bi Tevahî Deng: 5


Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark