Zubêr Salih ev zêdeyî sî sale ku di derya hunera Kurdî de avjeniyê dike û ji kaniya welatparêziyê vedxwe, îro bi berhemeke nû derdikeve pêþberî guhdarên xwe.
Berhama hunermend Zûbêr Salih ya bi navê ``Kirasê Eþqê`` ji deh stranan pêk tê û ji hestên gelek helbestvanên Kurd dinoþe, mîna Kawa Þêxê, Kerîm Ahmed, Mizgîn Bengo, û Hevraz Hesko lê hunermend Zubêr salih awaz û helbestên xwe jî dibêje mîna helbesta te soz daye.
Min gelek CD yên Hunermend Zubêr Salih guhdar kirine, lê ev CD ya ku bi dengê helbestvana Kurd xwediya pênûsa nûjen Xelat Ahmed dewlemendiyeke pir hêja li CD yê zêdekiriye, ew dengê nerim yê helbestane bê destûr derbasî dilê guhdar dibe, û gava ku Zubêr bi tembura xwere dinala meriv nikara ji guhdar kirina CD yê durkeve û her meriv di xweþiya guhdarkirina stranên wî de dimîne.
Bê goman hunermend Zubêr Salih di hilbijartina helbestên xwe de hostakî pir jîreke gava ku bi wî dengê xweyî nazik dibêje:
Û silav û hezar silav.
Ji Qamiþlo me bi xwere anî
Gurzek gulê erdewanî
Û evînek Kurdistanî
Ji xelkê Amedêre silav
Ji dîroka tere silav
Ji þehîdên tere silav
Ji girtiyên tere silav
Û silav û hezar silav.
Ev gotinên ku hesten welatparêziyê li ba her kurdekî bilind dikin û Kurdistaneke mizin di dilê wî/wê de çêdikin, bi hosteyî hatine avakirin, ev ji gotinên Kawa þêxê ne ku bi dengê Zubêre li têlê dilê guhdar dixe û govenda azadiyê li ber digerînin.
Gava ku Zubêr Salih gazinan ji jînê dike û dibêje, erê jînê bi van gotinên xweþ yên helbestvana hêja Xelat Ahmed destpêdike.
Kêfa zaroktiyê dibin balgihê þevê de
Diya min bêhna cejnê distre.
Di pey re Zûbêr bi tembûra xwere digrî û dibêje;
erê jînê ez bê jînim bêyî te,
erê jînê ez ne Memim bêyî te
erê jînê ez ne Memim dûrî te.
Gava ku Zubêr van gotinan dibêje bi wê tembûra ku bi dengê wîre digrî, dihêle ku hêstir yeko yeko ji çavan bibarin û li ser dêmên evîndaran biherikin.
Di helbesteke din de Xelat Ahmed bi Tembûra Zûbêre dibêje:
Hilke hilka þevêye li ser sînga te
Were ez stêrkekê ji devê te bigrim
Û dudowan ji gerdena te
Û pêde diçe Xelat bi dengê xwe yê nazik û li dîwana helbestê dengekî din zêdedike.
Hunermend Zubêr Salih ji deriya Helbestvanê Kurd Kerîm Ahmed tasek ava zelal vedxwe û di goveda evînê de kirasê Eþqê li xwe dike û dibêje:
Hinaran kulîk vekirin
Cana min rabû ji xew
Kirasê Eþqê li xwe kir
Çav xezal û meþ mêkew.
Dil xeþîm û biçûk bûm
Ket nav xefka evînê
Paþîyêtê de hînbûm
Ma dinê keç periyê.
Di vê stranê de em Zubêr bi þêweykî din li pêþberî xwe dibînim hem rengê stranê û hem jî awaza wê û hem þêweyê gotina Zubêr tev nûne.
Gava ku Zûbêr Salih derbasî nav zeviya bîranîn dibe û dikeve xewn û xeyalên evîna berî bîst sala bi nalîna kemana Lazgîn Xaldre dinale û dibêje:
Tê bîra min berî bîst sal tê bîra min
Ez û te herdo biçûk bûn tê bîra min
Bi kul û derd ez û tebûn tê bîra min
Berî bîst ez û te bûn tê bîra min.
Tê bîra min lê þêrînê tê bîra min
Ew rojên xweþ yê evînê tê bîra min
Navê te li bîra min dînê tê bîra min
Berî bîst sal erê dînê tê bîra min.
Ev helbesta xweþ ya hunermendê hêja Hevras Heskoye.
Gava ku min di destpêkê de got ku Hunermendê me yê deng xweþ bi hosteyî helbestên stranên xwe hildbjêre belkî we gotibe ev dil xwaziye ji xebat. Lê ez di wê behweriyê deme gava ku hûn li CD ya Hunermernd Zubêr Salih guhdar bikin hûnê bibînin ku min di vê nivîsa xwe de qet mafê vê CD yê nedayayê û hîn gelk gotin hebûn ku min karîbû li ser vê berhema hunermend Zubêr binvîsim.
Hunermeda hêja Leyla û Bêrivan bûne mîna hermonî bi dengê zubêre bi dengê wanre tama guhdarkirinê hîn xweþtir dibe.
Lê hunermenda me ya ku nû daketiye stadyoma hunerê Bêrîvan Zubêr Salih bi stranekê ji stranên Zubêr salih di vê berhemê de cî digre gava dibêje ezê ji te bixeydim û nema bi tere li hev têm.
Xebat Þakir
10.11.2008 Oldenburg/ Elmanya
